Nú er hún Snorrabúð Stekkur. Sjálfstæðisflokkurinn er allt í einu orðinn félagshyggjuflokkur og hefur það nú að sínu helsta markmiði að vera aaaaaaaa við litla manninn sem hann er búinn taka látlaust í rassgatið frá því að Albert greyið Guðmundsson var að reyna að vingast við hann hérna um árið. Nú ætlar þessi nýstofnaði félagshyggjuflokkur að koma öllum börnum á leikskóla helst beint af fæðingadeildinni jafnvel þótt að þeir hefðu engan áhuga á þeim málum þegar þeir voru við völd hér í den og þar tók R- listinn við rjúkandi rústum. Björn Bjarnason hreykir sér af afrekum sínum í menntamálum en ég spyr hvaða helvítis afrek eru það? Ríkið losaði sig við Grunnskólana af sínu framfæri og er nú í þeirri skemmtilegu aðstöðu að geta sagt fyrir um með lögum hvað á að gera þar en þarf ekki að kosta neinu til sjálft. Aðalnámskráin er líklega helsta afrekið hans Björns ef afrek skyldi kalla. Ég hefði sjálfur getað samið þessa námskrá enda er þetta ekkert nema óskalisti og nær hefði verið að búa til eitthvað almennilegt námsefni í stað þess að ætlast til þess að kennarar séu alltaf að finna upp hjólið hver í sínu horni. Er ekki alveg nóg að hafa Sjálfstæðismenn með puttana í ríkissjóði þar sem þeir gamblað með þá og gefið vinum sínum slurk og slurk? Gleðilega hátíð.

Þú ert að minnsta kosti bjartsýnn á ölvun á laugardag

Ef mánudagar eru til mæðu þá eru föstudagar til fyllirís. Bibbi er greinilega einn af þessum hugsjónarkennurum. Þessi sjálfboðavinna fyrir samræmdu prófin tíðkast að vísu hér líka eins og víða annarstaðar og sjálfsagt verður maður í þessu rugli næsta vetur. Það væri náttúrulega líka helmingi skemmtilegra að kenna ef að allir nemendur væru mættir til þess að reyna að læra eitthvað en það er nú reyndar ekki raunin dags daglega. Það hafa bæst þrír nemendur í bekkinn sem ég kenni frá því í fyrra sem standa hrikalega illa námslega og var nú ekki á þann hóp bætandi. Næsti vetur verður algjört horror spái ég en þið vitið nú sjálfsagt hversu mikill bjartsýnismaður ég er eða þannig. Ég stefni ótrauður á ölvun á laugardagskvöldið ef ég mögulega kem því við. Hafið það gott um helgina.

Ég fæ nú ekkert borgað fyrir þessa útgáfu nema náttúrulega ferð til Danmerkur með elskulegum nemendum þar sem bjórinn verður teigaður óspart. Einnig er vert að geta þess að ég var með eina 10 -15 aukatíma vegna samræmdra prófa sem hver tími var 2 klukkustundi og ógreitt líka. Þetta eru bara svo miklar elskur.

Halla ég þurfti að fylla eina blaðsíðu í skólablaðinu vegna vöntunar á efni og stal ég frasanum frá þér um krakkakrumpur og kom honum á blað. Vonandi verður mér ekki stefnt fyrir ritstuld.

Kveðja Bibbi

Aron er greinilega fyrirmyndarfaðir. Þetta er það sem þið konurnar hafið verið að biðja um. Karlmennirnir eru nú farnir að taka ábyrgð á uppeldi barnanna líka en eru ekki bara einhversstaðar að leika sér meðan móðirin elur upp krakkana.

Blessuð,

Er að koma út skólablaði 10.bekkjar og sef hvorki né vaki þessa dagana.

Hér er loksins hætt að snjóa og sólin komin fram eftir annasama golfvertíð hjá Guði þar sem golfkúlurnar komu í hrönnum að himni ofan í allt of marga daga.

Hann er í fýlu. Var ekki valinn bestur bara mest meiddur

Ég sé það að skilaboðin mín hafa komist á einhvern yfirnáttúrulegan hátt inn á bloggerinn í gær. Ég átti í miklum útistöðum við tölvuna mína í gærkvöldi og hún fór gersamlega hamförum. Ég sá aldrei að ég hefði komið neinum skilaboðum áleiðis en reyndi að senda svona sirka 20 sinnum. Greyið er orðin 7 ára gömul og farin að kalka allverulega. Það er aldeilis veldi á þér Hrefna að skella þér til Stóra eplisins. Jæja stelpur nú er kominn tími á að þið hættið að velta ykkur upp úr handboltastrákunum því nú verða brátt allir túnbleðlar borgarinnar morandi af berleggjuðum strákum í fótbolta. Og ef þið nennið ekki út fyrir hússins dyr þá getiði alltaf horft á HM og spekúlerað í berum leggjum þar. Mikil gósentíð er nú framundan fyrir ykkur stúlkur mínar. RÚV greindi frá því að Aron gæfi ekki kost á sér í landsliðið af persónulegum ástæðum. Er hann orðinn pabbi? Veit það einhver?

There is something about Mary. Sennilega það að hún er svona náskyld Sverri Stormsker. Talandi um ljósbrúna mjólkursúkkulaðismjörkúka Halla þá er nú reyndar Markús Máni sá eini í báðum liðum sem hefur atvinnu af þessu hlutskipti sínu

There is somthing about Mary. Kannski er það einmitt það að hún er svona náskyld Sverri Stormsker. Ég er bara mest hissa á að ég skyldi ekki vera búinn að sjá svipinn. Bróðir minn fór á þennan fræga leik Valur KA og gisti svo hjá mér á eftir. Hann var að fara á ráðstefnu daginn eftir og ég varð að lána honum nýtt dress því hann var blautur af svita eftir leikinn það var svo ógeðslega mikil molla þarna inni. Það er alveg ótrúlegt hvað fólk sem ekki býr í Reykjavík er miklu duglegra að fara eitthvað og gera eitthvað af viti þegar það kemur suður heldur en maður sjálfur. Þessi bróðir minn er búinn að fara oftar í bíó, á tónleika og á handboltaleiki í vetur heldur en ég undanfarin þrjú ár jafnvel þótt hann búi á Borgarfirði eystra. Þetta er bláttáfram hneyksli. Fór á Hvolsvöll í dag með 9. bekk og það var gaman að skoða Njáluslóðir með leiðsögn og ferðin heppnaðist mjög vel í alla staði.