Þetta var flott á móti Portúgal og svo vinnum við Katar (hvar svo sem í veröldinni það er nú, ef Ísland er lítið þá er Katar komman yfir I-ið) Við treystum á að Þjóðverjar vinni Portúgali í dag og þá skiptir leikurinn við Þjóðverja engu máli... Bæði lið fara áfram með 2 stig hvort í sinn milliriðilinn.. Við stefnum auðvitað á fjögurra liða úrslitin og ekkert rugl...

Það er löngu orðið nauðsynlegt að bjóða Þorgils Hlyn Þorbergsson velkominn inn í samræðurnar. Fyrir því eru einkum þrjár ástæður. Í fyrsta lagi má greina í skrifum sumra hér inni einhvern andkristilegan boðskap sem nauðsynlegt er að uppræta með góðu eða illu. Almættið þarf á því að halda að sterkur móralskur leiðtogi á borð við Þorgils leiði okkur villuráfandi sauðina aftur til fundar við sáluhjálp trúarinnar. Í öðru lagi vaða hér uppi alls kyns klámpennar sem nýðast á íslensku máli með málfarsvillum, stafsetningarvillum og alls kyns viðbjóði. Þar þarf Þorgils að láta sverfa til stáls. Í þriðja lagi og það sem kannski er það mikilvægasta þarf Þorgils að leiða okkur í allan sannleika um hvenær Halla og fleiri eiga afmæli svo maður geri sig ekki ætíð sekan um að muna ekki eftir neinum afmælum ár eftir ár. Til hamingju með afmælið Halla og þið hin sem gætuð átt afmæli á næstunni eða eruð jafnvel búin að því.

Já hann er nú meiri kallinn þessi Jón kokkur! María ert þú lifandi? Kata ert þú þarna? Ég hitti Önnu og hún var æst í að íþróttavalið færi að leiða saman hesta sína. Mér líst ágætlega á það og lofaði að koma því á framfæri hér. Ég vona að enginn brotni niður við það að ég sé að tala um það hér það þýðir ekki það að ég elski ykkur ekki lengur! Muniði eftir einhverjum stigum í vitsmunaþroska eða eitthvað þar sem efsta stigið var að geta sætt sig við að vinir manns ættu aðra vini líka. Fyrir þá sem eiga bágt með sig reynið að líta á þetta sem próf (með einkunn) það tryggir árangur.

Ég veit ekkert um þennan kokk! Eini kokkurinn sem ég er að hugsa um þessa stundina er sá sem sló í kabissuna og kolamola oní hana eitthvað bla bla og bull. Já það er rétt ég er að fara á Blót á Boggann! Það verður nú meira endalausa gleðin. Ég er alveg kominn í gírinn strax!