1,5 hæna á 1,5 egg á 1,5 degi. sem þýðir að 6 hænur verpa 6 eggjum á 1,5 dögum. Á einum degi (1,5/3*2) verpa 6 hænur (6/3*2)eggjum eða 4 eggjum. Á 7 dögum verpa þessa sex hænur 7 * 4 eggjum. 28 egg mun ég giska á í annarri tilraun.

Eru þetta 6 egg og einn þriðji úr eggi? Ég var að kveðja norska hópinn í gær. Í gærdag voru frumsýndar 19 stuttmyndir og síðan var óskarsverðlaunaafhending um kvöldið og að lokum diskótek. Það voru allir gjörsamlega búnir að vera eftir þetta. Þér að segja Axlar-Bibbi þá eru hundar hálfgerðar óskepnur og yfirleitt til ama og óþurftar. En hafi þessi hundur látið sig hafa það að sleikja þig þá kallar hann nú ekki allt ömmu sína.

Ef 1,5 hæna verpir 1,5 eggi á 1,5 degi þá hlýtur hálf hæna að verpa hálfu eggi á hálfum degi og það passar vel með beikoninu og ég skýt því á að erfðabreyttar hænur sem eru einungis hálfar séu framtíðin. Þetta er náttúrulega í ljósi þess að fleiri og fleiri velji að vera einhleypir (nema um helgar) og því er hálf hæna eða hálfur kjúklingur nóg í matinn. Ég segi því að svarið sé erfðabreytt matvæli eða 42 egg.

HETJUSÖGUR AF HUNDI. Ég fór til sjúkraþjálfara í gær sem er ekki í frásögur færandi en færi það samt í frásögu. Sjúkraþjálfari þessi er staðsettur í kjallara heilsugæslustöðvarinnar á Egilsstöðum og átti ég tíma klukkan 14:30. Ástæða heimsóknarinnar var sú að ég er búinn að vera slæmur í öxlinni s.l. 2 ár en hún hefur versnað nokkuð upp á síðkastið eins og handboltalandsliðið. Ég tók náttúrulega Týru með mér í göngutúrinn og gengum við beint að heilsugæslustöðinni og niður tröppur við enda hennar þar sem ég sagði Týru að bíða uns ég kæmi aftur (sem hún gerir iðulega). (En iðulega hvað er það eiginlega. Iða er nokkurs konar hringstraumur annað hvort í vatni eða í lofti. - hringiða -. Þannig að ef einhver gerir eitthvað iðulega þá gerir hann/hún það hringlaga þannig að það er eiginlega fáránlegt að segja iðulega nema talað sé um hringlaga form. Ég baka t.d. iðulega tertu (nema náttúrulega að hún sé ferhyrnd)). Jæja ég fór til sjúkraþjálfarans sem gerði alls kyns æfingar og teygjur og endaði með laser meðferð. Þegar ég kvaddi þá sagði hann mér að hlífa öxlinni við öllum hreyfingum sem eru utan við og ofan við öxlina s.s. uppþvotti, gluggaþvotti, skúringum, ryksuguvafstri og fleiru sem aðrir gætu gert. Ég lofaði að hlífa öxlinni af mestu kostgæfni. Nú þá fer ég út til Týru sem rýkur með það sama upp tröppurnar sömu leið og við komum. Ég hafði aðrar hugmyndir og ætlaði að lengja göngutúrinn og ákvað að ganga eftir innkeyrslu að sjúkraþjálfaranum sem liggur fyrir neðan alfaraleið og er góð brekka þar á milli sem einmitt tröppurnar eru til að komast upp. Jæja ég er ekki fyrr lagður af stað en Týra áttar sig á að ég fer aðra leið en hún svo hún sleppir tröppunum á leiðinni niður brekkuna og tekur stefnuna beint á mig þó ég átti mig ekki á því. Svo allt í einu ákveður hún að hún geti flogið og tekst á loft en lendir beint á bakinu á mér og ég skell í götuna beint á öxlina en hún stendur með framlappirnar á öxlinni af öllum sínum þunga og reynir að sleikja á mér andlitið því það er eins og allir hundar vita besta leiðin til að vekja fólk til lífsins. Sem sagt öxlin hefur aldrei verið verri þökk sé HUNDAHETJUNNI SEM GETUR (EKKI) FLOGIÐ.

Já það er gott að það koma helgar annað veifið. Þær mættu þó koma oftar og jafnvel ná saman. Það væri nú ekki verra enda er þetta óþolandi vinnuálag á manni þessa dagana. Maður kennir frá 9 til 2 og fer svo að huga að næsta degi sem getur tekið hátt í 15 mínútur og fer svo heim :-)

Ég fór að kíkja og komst að því að það eru tvær stúlkur óskírðar Björgvinsdætur en ein var í Keflavík og hin í hreiðrinu þannig ég ákvað að hreiðrið væri í RVK. Það eru reyndar engir nafngreindir foreldrar með barninu til aðgreiningar þannig að þangað til það kemur upp verð ég að halda að þetta sé rétta stúlkan. Ansi góð mynd.