Ásgrímur hvernig er það með Fáskrúðsfjörð þessi jólin á ekki að fara með lið

Alveg er það með ólíkindum hve leiðinlegt lagið frá Smáralind er þessi jólin ekki eins og það hafi verið skemmtilegt í fyrra en þó örlítið skárra.

Vonandi hafið þið etið á ykkur gat ef ekki göt um hátíðarnar og ekki eru þær þó nema rétt tæplega hálfnaðar veislurnar... ef maður innbyrðir ekki a.m.k. helming hitaeininga um jólin af ársinnbyrðingu þá veit ég ekki hvað rétt eins og verslanir fá hátt í helming af innkomu ársins fyrir jólin þá getum við innbyrt helming eða hátt í það hitaeininga um jólin... nema hvað

Talandi um jólalög þá er hér eitt:

Jólasveinar einn og átta
ofan koma af fjöllunum
( í fyrsta lagi eru þeir náttúrulega ekki 1 og 8 því að þeir eru hvorki 18 né 9. Þannig að það má segja að höfundur texta hafi komið af fjöllum (kannski með jólasveinunum) þegar hann frétti að þeir væru ekki 1 og 8.
Í fyrrakvöld þeir fóru að hátta
og fundu hann Jón á Völlunum
(Í öðru lagi ef þeir eru farnir að hátta hvernig í ósköpunum áttu þeir að finna einhver og hvað þá Jón á Völlunum... Þetta er líka skrýtið því að jólasveinar hafa svo mikið að gera að þeir geta hreinlega ekki farið að hátta til að sofa.)
Andrés stóð þar utan gátta
ætluðu að færa hann tröllunum
(nú er nóg komið eins og Skrámur sagði... Hvaðan kom þessi Andrés... og hvernig vissu þeir að hann stæði utan gátta ef þeir voru komnir í bólið og ef þeir vissu af honum og voru komnir í bólið hvernig ætluðu þeir að færa hann tröllunum og ég vissi nú ekki að jólasveinar gæfu tröllum jólagjafir en það er engu líkara en Andrés sé kærkomin gjöf handa tröllum og ef ég þekki Andrés rétt þá myndu jólasveinarnir ekki hafa roð í hann þannig að líklegra er að Andrés hefði barið jólasveinana og hirt allar gjafirnar og hent náttfötunum þeirra)
En þá var hringt í Hólakirkju
öllum jólabjöllunum
(og hvað með það... Hvað gerist þegar hringt er í Hólakirkju eiginlega... hættu þeir við að fara að sofa þannig að þeir misstu af Andrési sem var utan gátta og fengu þá tröllin engar jólagjafir og hvernig fór þá eiginlega með Jón á Völlunum hentu þeir honum af hreindýrasleðanum og flýttu sér í messu eða hvað)

Ef einhver er með þetta á hreinu þá er hann annaðhvort jólasveinn, Jón á Völlunum, Andrés eða hringjarinn frá Hóla Kirkju

Myndir á http://www.ismennt.is/not/bibbi/ ef einhver hefur áhuga