Varðandi kosningakvöldið verðum við Herdís vonandi rænulaus og ósjálfbjarga af áfengisneyslu úti á Álftanesi hjá Stefan Svarts en titilinn hefur hann unnið sér inn hjá mér fyrir að vera alltaf svart fullur. Hringiði í mig ef einhversstaðar er stuð. S: 8650800

Ég tek heilshugar undir með Bibba og hefur honum ekki mælst sannara orð á munn (fingur?) lengi. En þið vitið nú hvað sagt er um þá kjöftugu í því sambandi. Hrefna er náttúrulega á pólitískum villigötum þar sem hún bíður við símann eftir að einhver Sjálfstæðismaður hringi í hana. Þú þarft enga dagvistun ef Sjálfstæðisflokkurinn ætlar að gera þig atvinnulausa hvort sem er. Það er nú ekki eins og blessuð íþróttafélögin hafi sýnt það að þau séu beinlínis traustsins verð. Þeim virðist oft á tíðum standa nokk á sama um unga fólkið og hugsa fyrst og fremst um að ná skammtímaárangri í einhverjum íþróttagreinum. Þá virðist engu máli skipta þótt þau steypi sjálfum sér í botnlaust skuldafen í leiðinni. Faglegur metnaður er frekar lítill hjá mörgum félögunum en lítið virðist vera sparað í yfirbyggingunni. Þannig er ´Víkingur sem ég hef svolítið unnið fyrir með sér markaðsfulltrúa á fullum launum fyrir utan framkvæmdastjóra og eitthvað fleira. Mjög vel farið með peningana!

Kosningar er eini tíminn þar sem maður getur ráðið einhverju örlitlu um það hvert 10% af 40% launum manns fara (útsvarið). Maður verður að nenna að tala um það. Þetta er þegnskylda að mynda sér skoðun á því hverjum þú vilt færa þessi 4% (lauslega reiknað) á silfurfati. Þetta hlýtur að skipta máli. Ef þú ert með 2 milljónir á ári þá ertu með 8 milljónir á kjörtímabili og þú greiðir 320.000 á kjörtímabilinu til stjórnenda bæjarfélagsins sem þeir (þær/þau) ráðstafa eftir því hverju þau lofuðu fyrir kosningar. Þó svo að það sé nú ekki alltaf raunin þá ætti það náttúrulega að vera það. Ef þú ert í sambúð þá ertu að afhenda þessum ráðamönnum/konum hátt í milljón til ráðstöfunar. Þú hlýtur að vilja hafa eitthvað um það að segja hvar það endar.

Bibbi

Sá Einar Bárðarson á lista yfir stuðningsmenn Björns Bjarnasonar í Mogganum. Helvíti er orðið hart í ári hjá Birni þykir mér. Jæja sækjast sér um líkir. Einar hefði nú átt að hafa hljótt um sig á þessum árstíma þegar líður að Júróvisjón. Ég vona svo sannarlega að Sjálfstæðisflokkurinn noti Eindjél sem þímsong hjá sér á lokasprettinum. Þá fer allt vel.

Húmmarnir kæra og vinur minn Stefán Bjargmundsson 3.maður á lista Húmma tekur öll völd í Reykjavík. Ég segi nú alveg eins og afi þinn Jensína það er gott að taka sjálfstæðar ákvarðanir ef þær eru eins og manni er sagt að þær eigi að vera.

Já nú er kominn pólitísk slagsíða á umræðurnar. Þetta er almennilegt. Ég verð hinsvegar að fara að semja íslenskupróf og hefði átt að vera búinn að þvi fyrir löngu eins og öðru. Partý er alltaf góð hugmynd.

Hvernig væri að halda kosningapartý. Ég verð í bænum og verð að hitta einhverja heita sjálfsstæðismenn

Ég er nú yfir mig undrandi á þessu. Ásgrímur búinn að búa í bænum þetta lengi en hefur ekki enn séð ljósið. Það er svona þegar foreldrarnir eru vinstri sinnaðir þá verða börnin það einnig. Þau geta ekki né vilja breyta frá því sem þeim var lagt til í vöggunni.

Svo er eitt. Hvers vegna er alltaf talað um þá sem kjósa D eða R eða annað og svo óákveðna.... þetta er nú meira ruglið.. Eins og maður geti ekki verið ákveðinn í að kjósa ekki. Það er statement út af fyrir sig að kjósa ekkert af því sem er í framboði. Það eru bara þeir sem ekki kjósa sem ekki nýta sér þann rétt (ætti að vera skylda) að kjósa. Þetta eru mannréttindi rétt eins og að mega tala og skrifa um það sem maður vill. Mannréttindi eru til að nota þau. Þannig að Hadla ef þú ætlar ekki að kjósa R eða D eða annað. Mættu þá alla vega á kjörstað og skilaðu auðu. Svo má náttúrulega benda á yfirstrikunarleiðina sem er leið þeirra sem vilja kjósa fólk en ekki lista. Þú strikar yfir alla sem ekki standast kröfur þínar. Þú verður bara að setja önnur gleraugu upp en þau sem eru á um helgar í veiðiferðunum.

Það er nóg af einstaklingum þarna í framboði Halla. Þú getur náttúrulega kosið Ólaf lækni. Maðurinn var búinn að vera frá fæðingu í Sjálfstæðisflokknum og var alveg hissa á því hvað flokkurinn var lítið vinstri sinnaður. Hann er lengra til vinstri en a.m.k. Samfylkinginn maðurinn en það kom náttúrulega ekkert annað til greina hjá honum en að stofna sitt eigið framboð. Þetta er ástæðan fyrir því að Sjálfstæðisflokkurinn er svona stór. Mikið af því fólki kýs hann af því að það er komið af Sjálfstæðisfólki. Það er hinsvegar gjörsamlega ósammála grundvallarprinsípum flokksins en það er algjört aukaatriði. Reyndar hefur Sjálfstæðisflokkurinn verið duglegur í gegnum tíðina við að villa á sér heimildir sbr. flokkur allra stétta. Það er auðvitað algjör fyrra því hann er og hefur alltaf verið valdabandalag atvinnurekenda og fjármagnseigenda og hefur unnið að því leynt og ljóst að auka misskiptingu í landinu og standa vörð um hagsmuni þeirra hópa í samfélaginu sem eiga Ísland að stærstum hluta. Það að kjósa Sjálfstæðisflokkinn er þá fyrir stærsta hluta þjóðarinnar í besta falli slæm stéttarvitund eins og Karl Marx hefði sagt. Aron og Hulda seig en hann svarar engum tölvupósti maðurinn. Hann er engan veginn í sambandi og hefur ekki verið lengi. Kannski er þetta eins og með verkefnin í Kennó, hann svarar kannski einhverntíma í sumar.

Já gaman að heyra frá R-lista konu. Ekki svo nauið með D- listamanninn á Egilsstöðum hann hefur ekkert um þetta að segja í þetta skiptið. Ertu kannski í framboði fyrir íhaldið á Egilsstöðum? Það minnir mig nú á það þegar við hittum Geir H. Haarde og frú í fyrra á götum Egilsstaðarbæjar. Það sem þau voru hreykin af þér sem dyggum stuðningsmanni! Varðandi orkuveitu Reykjavíkur þá hefur orkuverðið lækkað á síðasta kjörtímabili meðan flest allt annað hefur hækkað. Orkuveita Reykjavíkur hefur fjárfest mikið að undanförnu en þær fjárfestingar eru allar arðvænlegar og það er aðal atriðið. Fjárfestingarnar eru líklegri til þess að skila meiri arði en t.a.m. Perlan.

Hér er einhver misskilningur á ferðinni sem ber að leiðrétta. Björn Bjarnason á heiður skilinn fyrir að losa skólana undan oki ríkisins. Nú hafa skólarnir möguleika á að þróast eins og það byggðalag sem þeir standa í býður upp á. Hvað ætli einhver skrifstofublók í Reykjavík viti um hvernig haga beri stjórnun skólans í Hallormsstað. D-listinn vann mörg og góð verk á meðan hann var við völd. Byggði t.d. ráðhús handa Reykvíkingum og Perluna. En ef Perlan væri ekki hvar ætti þá að halda alla geisladiskaútsölur og hvert eiga NATO menn að fara að borða? Spyr sá sem ekki veit. R-listinn hefur ánafnað einhverjum dágóðum upphæðum til Alfreðs til að leika sér með í orkubruðl og er það orðið svo slæmt að hann man ekki hvort hann vill selja eða byggja eða bara eiga og gefa eða eitthvað. Alfreð segir eitt og meinar annað en enginn skilur hann nema konan sem skilur við hann en það skiptir ekki máli því að hann kemur aftur heim. Hann gleymdi því að þau væru skilin og svo glottir hann út í annað bara út af því að hann er að reyna að brosa.

Steinunn eitthvað er formaður íþróttamála fyrir Reykjavíkurborg, haldiði að það sé gáfulegt að láta kellingu stjórna íþróttamálum Reykjavíkur. Hún veit nákvæmlega ekki neitt í sinn haus. Hún styður sum félög um fjármagn en ekki önnur hún veit örugglega ekki hvaða félög eru í Reykjavík og hver eru í Kópavogi. Hún styrkir eflaust Breiðablik eða Haukana næst ef þau sækja um styrk.

Auðvitað á að veita D-listanum stuðning í verki og keyra fyrir þá á kjördag og uppskera næstu fjögur árin.


x-d

Bibbi