Vitið þið hvaða efni það er sem boxarar lykta að þegar það er búið að berja þá sundur og saman? Rotvarnarefni

Talandi um kannanir í gegnum síma.. þá hringdi ein kona í gærkveldi um 7 leytið og sagðist vera frá tryggingarmiðlun og hún væri ekki að selja neitt.. svo blaðraði hún eins og kvenna er siður án þess að maður kæmist að en loksins þurfti hún að anda þannig að þá gat ég sagt að hún væri að trufla mig við matinn og það væri hennar ólán.. hún sagði mér þá í óspurðum fréttum að klukkan hefði verið 2 mínútur í sjö þegar hún hringdi og því ekki kominn matmálstími.... Ég hikstaði en sagði henni að því miður hefði ég ekki kynnt mér hvenær ég mætti - og ætti - samkvæt opinberum tímasetningum að borða og því væri þessi heiðingjaháttur viðhafður á mínu heimili að borða þegar maturinn væri kominn v/s þegar maður væri hun-graður og því væri ég ekki tilbúinn að tala meira við hana að sinni og sagði henni að happið hefði sloppið henni úr hendi (rétt eins og ég hefði leyft einhverjum að koma og kynna mér eitthvað helvítis rugl um einhverjar tryggingar sem eiga að vera betri hjá einum tryggingarsalanum en öðrum) en nei hún var nú ekki á því að það væri hennar óhapp því hún sagði að happið hefði sloppið mér úr hendi og skellti á sármóðguð yfir því að einhver væri að borða þegar hann ætti alls ekki að vera byrjaður að borða heldur rétt að hefjast handa við matargerðina...

Ég vona svo að þið standið ykkur í drykkjulátum í kveld og málið bæinn bláann í kjölfar geysisterkra lista D-manna í Reykjavík og haldið upp á það að ungir jafnt sem aldnir eiga möguleika hjá Sjálfsstæðismönnum en ekki bara gamlir þingmenn eins og hinir flokkarnir vilja hafa það...

Og bæ ðe vei fyrir þá sem ekki vissu þá er Sólveig Hildur víst ófrísk komin 3 mánuði á leið eftir K.R.-ing það var þá líklegt að þeir myndu skora.. en hann er nú hættur í boltanum svo það var meiri möguleiki að skora eftir að hann yfirgaf vesturbæjarsmáliðið

Guten tag. Wie getz. Ég er alltaf að rifja upp þá slitróttu þýsku sem ég tileinkaði mér í framhaldsskóla. Fór á sýningu á Rómeó og Júlíu á miðvikudagskvöldið ásamt c.a. 35 nemendum úr Háteigsskóla. Þetta er alveg frábær uppsetning. Stórkostlega skemmtileg og vel leikin, fjörug og öðruvísi. Ég sá reyndar R og J í Þjóðleikhúsinu fyrir ca 10 árum og þó ég muni þá sýningu auðvitað ekki í smáatriðum þá er þetta algjörlega eins ólíkt og hugsast getur. Krakkarnir voru yfir sig ánægð enda er margt í sýningunni sem höfðar sérstaklega til unglinga og ungs fólks. Ég hvet ykkur til að fara á þetta ef þið eigið þess kost.

Satt segir þú Bibbi og satt er það sem stendur í hinu fornkveðna að oft ratast kjöftugum satt orð á munn. Ja strákurinn var eitthvað að svekkja sig út af því að þessi Kalli stakk undan honum en farið hefur nú fé betra segi ég og ég veit reyndar að ´þú ert sammála mér um það. Auf widersien

'Ekki vil ég nú trúa því að minn fagri fjörður sé horfinn af yfirborði jarðar en líklega er tími til kominn fyrir þig Bibbi að smíða þér Örk í garðinum hjá þér. Syndaflóðið er í aðsigi þarna fyrir austan enda siðferðisþröskuldur fólks lækkað umtalsvert á þeim tíma frá því ég flutti þaðan og þú fluttir þangað. Þú gætir svo tekið með þér Sóley og hið ófædda barn og pör af hverri dýrategund eins og Nói gamli gerði. Taktu líka með þér tvö Hvannstóðsmenn til vonar og vara.
Nú segir Smári sem er að kenna hérna núna vinur Hjalta Heiðars að hann sé á leiðinni heim um jólin með afirískt kvonfang. Hefur þú heyrt þessu fleygt Bibbi? Ég hvatti nú Halla frænda minn til að fara í Leikni af því að þeir eru með í deildarbikarnum og svo auðvitað til að gleðja Magga Ásgríms. Auk þess gæti það hert strákinn að spila með fullorðnum mönnum en ekki þessum pollum sem æfa þarna á Egilsstöðum. Ég óska öllum til hamingju með íbúðir, börn, afmæli og annað sem er til þess fallið að vera ánægjulegt og vekja með mönnum kátínu.

Það er ekki alveg á hreinu en samkvæmt talningu atkvæða er hann væntanlegur 20 janúar en Sóley fer í síðasta sónarinn 10 des og munu þá væntanlega tímasetningar komast á hreint. Hann verður a.m.k. að tóra "innanhúss" fram yfir áramót enda lengist fæðingarorlof mitt um mánuð á miðnætti gamlárskvölds......

*Fréttir af austurlandi......

Borgarfjörður eystri skolaðist á haf út í flóðunum en vegna mannfæðar og skyldleikaræktunar er einskins saknað því að allir úr öllum ættunum þar bjuggu á staðnum....

Sem betur fer er rigningartíðin á niðurleið en áður var einungis rigningin á niðurleið og kom ört.... Eyvindaráin var eins og beljandi fljót....

Hér eru annars innanhúsmót í fullum gangi og gengur flestum liðum betur en Hetti... Aðalfundur knattspyrnudeildar Hattar er um næstu helgi og mun ég stefna á sæti í stjórn á þeim fundi... Þá er spurning um hvort maður spili með Hetti eða Borgarfirði (þ.e.a.s. ef einhver borgfirðingur er enn á meðal vor) næsta sumar.... Heimavöllurinn er núna á Gunnarsgrunni sem er norð-norð- austur af Langanesi á 356 metra dýpi. Gott er að spila í kafarabúning en dómarinn verður í kafbát ala James Bond.

Er einhver búinn að fara á Bondinn? Hvernig er hún?

Kveðjur úr Borgarfjarðarlausu austri. Jibbý...