Hér er ég. Ég var að bíða eftir því að einhver saknaði mín og það tók nú þónokkurn tíma finnst mér. Ég hitti vinkonu þína í brúðkaupsveislu Halla og hún hefur skilað kveðjunni. Hafið það sem allra best og heyrumst!

Haldið þið upp á evrópskan tungumáladag hjá ykkur? eða dag stærðfræðinnar?

Er einhver annar en ég að kenna íslensku og lífsleikni í 10.bekk? og tek undir með Hrebbnu hvar er Ásgrímur. Sá hann lítið sem ekkert í sumar og enn síður hér.... er maðurinn búinn að lesa yfir sig?

Hér er ég, hér er ég, góðan daginn, daginn, daginn.

Ég er að berjast í unglingadeildinni nú sem áður og er bara nokk sáttur við það. Ég fór reyndar ekki á tónleika með Stuðmönnum en fór á magnað ball í Valaskjálf um daginn með ..... Brimkló.. Eitt besta ball sem maður hefur farið á og maður þekkti öll lögin. Ég sem hélt að maður þekkti eitt til tvö lög með þeim en maður kunni þetta bara allt...

Ég er formaður starfsmannafélagsins og héldum við helv. gott teiti um daginn þar sem ég var með alla sem mættu skráða niður, dró 3 og 3 saman í lið og hvert lið fékk svo textablað og valdi sér hljóðfæri, hristur úr eigu Tinnu, gítar og trommu og eitthvað fleira. Liðið fékk svo 2 mínútur til að æfa lagið og kom svo og spilaði og söng við mikla kátínu. Mörg ný lög litu dagsins ljós og voru rauðvínsflöskur í verðlaun. Ný útfærsla á Stórir strákar fá raflost sigraði með miklum yfirburðum. Hvet ykkur til að prófa þetta. Stal þessu úr popppunkti en ekkert verra fyrir vikið. Mikil stemmning og stress...hehe.

Annars er kominn vetur hér eins og annars staðar en þrátt fyrir það heldur maður sínu striki með útileikfimi fram í október. Veitir ekki af því að herða þessi börn.

Bibbi